閃令令

早上，我和哲哲坐在梳化，大家的眼睛不其然被遠處大廈玻璃窗上金光閃閃的海水倒影吸引著。



哲哲：「閃閃」（兩手做著開合動作）

我：「係呀果度閃令令好靚喎。」

哲哲帶著迷人的笑容柔聲問：「你鍾意呀？」

我：「係呀、媽咪最鍾意啲閃令令嘅野！」

其實我心諗住鑽石呀、首飾呀呢啲閃令令嘅野。之後又諗，之前哲哲問「你鍾意呀？」根據港女浪漫愛情片入面啲橋段，呢個時候男方應該拿出一份閃令令的禮物....

正當媽媽想「閃令令」禮物想得入神時，哲哲就話：「你都有啦！」然後指著我頸上的項鍊！

嘩！阿仔你有讀心術！


哲哲又再講：「我買比你架嘛，我買好大個嘅比你嘛！」還要張開兩臂比劃著。

哲哲一直認為這項鍊是他送給我的。因為爸爸付錢買這項鍊時，店員問他買給媽媽好不好，他爽快的答好，逗得店員很開心，他就真的覺得自己買了這項鍊。

阿仔,其實你只要乖乖就是好好的禮物了！

買禮物的話，我會找爸爸的呢！