牛與牛扒

聖誕餐爸爸煮牛扒。

哲哲問：「媽媽，啲牛扒係唔係啲農夫整出嚟㗎？」
（這似乎是哲哲從英文自譯中文，其實農場Animal Farm，又或old McDonald那些farm的人,中文夠竟是否仍然叫農夫farmer呢？）

媽媽想一想:「係啲農夫喺隻牛身上切出來，跟住賣比我地囉」

哲哲雙手一面比劃：「係唔係咁切切切，跟住攞？」

媽媽：「係呀。」

哲哲立刻追問：「咁咪好奇怪囉，佢係唔係冇咗隻腳，咁點行路？」

媽媽心想：「阿仔，再繼續這話題我地要食素架啦！」

媽媽同時再用了1秒考慮應否告訴哲哲其實隻牛已死，最後還是覺得拉開話題好一點。對於一個喜歡動物，又不太吃肉的小朋友，以天天吃的肉類作為介紹死亡的入手點似乎太難拿捏。

究竟小時候的我們會否問這些問題？究竟我們的爸媽又怎樣答呢？


哲哲特別親手炮製給爸爸的菠菜煙肉聖誕樹。