小報告

自哲哲上學後,媽媽總希望知道他的學校生活。

學校老師十分盡責,會打電話和我們溝通,但老師總不會大小事情都告訴我們。我們於是只能從哲哲口中了解他學校生活的點點滴滴。

1) KC(女同學名)扎辮好得意(原來阿仔你鍾意扎辮的女孩子?)KC扎辮,佢「MONK」 ,T老師同佢扎辮,佢話「er~~~」, 好得意,好搞笑! (原來阿仔你都只係留意人地做啲古怪野遮~)

2) KC扁嘴,一關門, 佢就唔開心, 佢扁嘴。（仔，人扁嘴又關你事？）

3) KC帶埋支奶奶番學,好搞笑。(又係KC, 老師話KC同佢身形差唔多咁細粒,哲哲成日想同佢玩,所以成日提住佢) 阿cc帶樽水番學。（都唔奇呀！）

4) ACT推我…(之後其實我懷疑係佢又推人,人又推佢，不過，好似提親呢個同學都係碰撞同爭野玩。)

5) 你唔乖, 就要去A主任度坐CUSHION啦~(好明顯, 呢句係老師同佢講,我估除咗我個仔,無咩人會怕坐CUSHION)

6）（媽媽問：今日KK有冇番學？）KK話佢對boot無毛毛，唔好掂。（媽媽又問：咁你有冇掂佢對boot?）有、掂咗一次（唔、果然！希望真係只得一次啦～）

7) 佢除個口罩，核突架。（八掛媽媽問：邊個載口罩？）阿WH，佢打乞啾。（原來仲有個同學叫WH,仲病咗tim)

假期時，哲哲最愛和我們玩扮老師遊戲！哲哲老師教大家讀英文字。